Улсын арслан, гарьд цолтонд хүндэтгэл үзүүлэх барилдаан “Монгол бөхийн өргөө”-нд өнөөдөр боллоо. Тус барилдааныг 20 жилийн ой нь тохиож буй “Мал сүргийг гэмт халдлагаас хамгаалах Монголын нийгэмлэг”-ээс МҮБХ-той хамтран зохион байгуулжээ.

Аварга С.Мөнхбат, улсын арслан Х.Мөнхбаатар, Д.Азжаргал, Г.Эрхэмбаяр,  гарьд И.Доржсамбуу, М.Баяржавхлан, улсын заан М.Өсөхбаяр, Б.Соронзонболд, улсын харцага  Т.Мөнгөнцоож, Д.Батболд, Ц.Содномдорж, Э.Батбаатар, Ө.Даваабаатар, Ө.Бат-Орших нарын хүчит 208 бөх зодоглосон уг барилдаанд улсын харцага Ц.Содномдорж түрүүлж, арслан Х.Мөнхбаатар үзүүрлэлээ. Харин шөвгийн дөрөвт аварга С.Мөнхбат /Долоогийн даваанд Ц.Содномдоржид өвдөг шороодсон/, арслан Г.Эрхэмбаяр /Долоод Х.Мөнхбаатарт өвдөг шороодов/ нар шалгарч үлдлээ.