Цаг агаарын нөхцөл байдлаас шалтгаалж зарим олон улсын нислэгүүд саатаад байна. Улаанбаатар хотод нойтон цас орж, салхины хурд их байгаа тул өнөөдөр нислэг үйлдэх байсан  “Кореан айр” компанийн хоёр ч нислэг цуцлагдсан байна. Мөн “МИАТ” компанийн Улаанбаатар-Бээжингийн чиглэлд 20.00 цагаас нислэг үйлдэх байсан онгоцны хуваарийг 22.00 цаг хүртэл хойшлуулсан бол Москва-Улаанбаатарын чиглэлийн нислэг ч тодорхой хугацаагаар хойшлоод байна.