МАХН-ын дарга Н.Энхбаярын эрүүл мэндийн байдалтай холбогдуулан өчигдөр орой УИХ дахь МАН-ын бүлэг хуралдав. Тус хуралдаанд Нэгдсэн хоёрдугаар эмнэлгийн дарга Ц.Баясгалан оролцож, Н.Энхбаярын эрүүл мэндийн байдлын талаар дэлгэрэнгүй мэдээлэл хийсэн байна. Энэхүү мэдээлэлд үндэслэн тус бүлгээс “МАХН-ын дарга Н.Энхбаярыг батлан даалтад гаргах нь зөв” гэсэн санал гаргажээ. Хэдийгээр бүлгээс ийм санал гарсан ч эцсийн шийдлийг нийслэлийн Сүхбаатар дүүргийн шүүхээс гаргана гэдгийг бүлгийн дарга Ө.Энхтүвшин сэтгүүлчдэд мэдээлэл хийх үеэрээ онцоллоо. Бүлгийн хуралдаанд 26 гишүүн оролцжээ.