“Facebook” олон нийтийн сүлжээ ашиглан гар утсанд суурилуулж болох тусгай программын дэлгүүр нээжээ. “Facebook”-ийн “App Center”-ээс “Draw Something" зэрэг программуудыг олох боломжтой гэнэ. “Facebook” улам бүр тэлж буй гар утас хэрэглэгчдийн хүрээ ирээдүйд зар сурталчилгаанаас олох ашгийг нь бууруулна гэж таамаглаж байгаа юм байна. Олон улсын хөрөнгийн зах зээлд анхдагч хувьцаа гаргах гэж буй Facebook хөрөнгө оруулагчдадаа хандан мэдэгдэл гаргаж, “Гар утсанд зориулсан “Facebook”-ийн программуудыг хэрэглэгчдийн тоо цаашид улам нэмэгдвэл үүнийг хуулийн дагуу хянах аргагүй болж, санхүүгийн амжилтад сөргөөр нөлөөлж болзошгүй” гэжээ.