Турк улсад айлчилж буй ОУОХ-ны Ерөнхийлөгч Жак Рогге Туркчүүдэд хандаж 2020 оны олимп, эсвэл хөлбөмбөгийн Европын аварга шалгаруулах тэмцээний аль нэгийг нь сонгохыг санал болголоо. Туркийн Истанбул хот 2020 оны олимпийн наадмыг зохион байгуулах эрхийн төлөө өрсөлдөж буй бол хөлбөмбөгийн холбоо нь тухайн онд Европын аварга шалгаруулах тэмцээнийг зохион байгуулах хүсэлтэй буйгаа илэрхийлсэн юм. Истанбул хот нь 2004, 2008, 2012 оны олимпийн наадмыг зохион байгуулахын төлөө өрсөлдөж байсан билээ гэж Монголын үндэсний олимпийн хорооноос мэдээллээ.