Олон улсын олимп болон паралимпийн хөдөлгөөн нь хэдийгээр тусдаа үйл ажиллагаатай, үзэл баримтлалтай ч өөрсдийн наадмыг хамт зохион байгуулж ирсэн билээ. Хоёр талын хамтарсан шийдвэрээр 2020 он хүртэл олимпийн наадам болон паралимпийн наадмыг нэг хотод зохион байгуулах шийдвэр гаргасан байна. Дашрамд дурдахад, Лондонгийн олимпийн наадам долдугаар сарын 27-ноос наймдугаар сарын 12 хүртэл үргэлжлэх бол паралимпийн наадам наймдугаар сарын 29-нөөс есдүгээр сарын 9-нийг дуустал үргэлжлэх юм.