Монголын бүх ард түмний XIII их наадмын хүрээнд хөнгөн атлетикийн улсын аварга шалгаруулах тэмцээн өнөөдөр Төв цэнгэлдэх хүрээлэнд эхэлж байна. Тэмцээнд нийт 26 байгууллагын 450 гаруй тамирчин эрэгтэй, эмэгтэй нийт 24 төрөл, зайд өрсөлдөх юм. Тэмцээний нээлтийн ажиллагаа 11.00 цагт болох бөгөөд Монголын хөнгөн атлетикийн холбооны ерөнхийлөгч Л.Болд, ерөнхий нарийн бичгийн дарга Ч.Зоригтбаатар болон МҮОХ, БТСГ-ын дарга удирдлага, төлөөлөгчид оролцох юм байна.