Нийслэлийн төсвийн хөрөнгө оруулалтаар Монголд анх удаа байгуулсан троллейбусны угсралт, үйлдвэрлэлийн байрыг өнөөдөр  ашиглалтад орууллаа. Энэ төвийг байгуулах ажлыг дэмжин, хөрөнгө оруулалт хийсэн Хотын дарга Г.Мөнхбаяр ажлын үр дүнг шалгаж, нээлтийн тууз хайчилсан байна. “Цахилгаан тээвэр” компанийн угсралтын үйлдвэрлэлийг шугаман дамжлагад шилжүүлснээр үйлдвэрлэлийн хүчин чадал гурав дахин өсч, жилд 80-100 ширхэг троллейбус, доубус угсарч, үйлдвэрлэх техник технологийн боломжоор хангагдах ажээ.

Экологи эдийн засгийн олон давуу талтай энэхүү тээврийн хэрэгслийн үйлдвэрлэлийг бэхжүүлэх, мэргэжилтэй боловсон хүчнийг бэлтгэхэд цаашид ч нийслэлийн зүгээс дэмжиж ажиллана гэдгийг Хотын дарга Г.Мөнхбаяр онцолжээ.