3,447.43
МАХН-ын дарга Н.Энхбаярыг суллахыг шаардан тус намын гишүүд болох А.Энхболд, З.Баянсэлэнгэ, Н.Хишигсүрэн, А.Отгонтуяа, Б.Цэрэндорж нарын таван хүн тавдугаар сарын 8-нд “Хэлмэгдүүлэлтийн хөшөө”-ний хажууд өлсгөлөн зарлаад байгаа. МАХН-ын гишүүн З.Баянсэлэнгэтэй ярилцлаа.-Анх тавуулаа байсан. Өчигдөр зургаан хүн нэмэгдэж ирсэн. Өнөөдөр бас хоёр хүн ирэх юм шиг байна..
-Өлсгөлөн зарлаж байгааг тань танай гэр бүлийнхэн яаж хүлээж авсан бэ. Та хэдэн хүүхэдтэй вэ?
-Би хоёр хүүхэдтэй. Нэг нь энэ жил оюутан болсон. Нөгөө хүү маань 4-р ангид сурдаг. Энэ нийгэмд шударга ёс тогтоож чадвал амиа алдсан ч гэлээ миний хүүхдүүд ээжээрээ бахархах байх. Анх намайг өлсгөлөн зарлалаа гэхэд ар гэрийнхэн бүгд дургүйцэж байсан.
-Чингэлтэй дүүргийн шүүхэд таныг прокурор О.Мөнхбаатарт халдсан хэргээр шүүх хурал өнгөрсөн долоо хоногт болох байсан. Ямар учраас шүүх хурал хойшилсон юм бэ?
-Жагсаал цуглаан зохион байгуулсан, прокурорын биед халдсан гэсэн хоёр үндэслэлээр надад хэрэг үүсгэсэн байдаг. Намайг нийслэлийн прокурорын газрын хяналтын прокурор О.Мөнхбаатарын биед халдсан гэдэг ч тэр үеийн бичлэгийг үзэхээр Б.Батболд М.Амартүвшин бид гурвын үйлдэл байдаггүй юм. Хэргийг дахин мөрдөн байцаалтад буцаасан байгаа. Улсын яллагч Ц.Хашбаатар бидэнд 1,8 жилийн ял төлөвлөсөн гэсэн.
