“Монгол ёс” ТББ-аас өөрийн Фэйсбүүк хуудсаараа дамжуулан “Монголоор ёсолъё” чөлөөт зургийн уралдаан зарласан. Уг уралдаан зөвхөн гэрэл зураг гэж хязгаарлалгүй, залуусын авьяасыг бүх төрлөөр сорьж байгаагаараа оролцогчид болон фэйсбүүк хэрэглэгчдийн талархлыг хүлээгээд байгаа юм.    

Уралдаанд одоогоор 30 гаруй бүтээл иржээ. Уралдаанд гэр бүл, анги хамт олноороо монгол ёсолгоог хийж байгаа зургаас гадна бидний зан заншилд хэрхэн хадгалагдаж ирснийг батлах зургууд ч ирсэн байна.Түүнчлэн компьютер график ашиглан бүтээсэн өвөрмөц зургууд ирсэн нь залуусын авьяас чадвар хэр өндөр түвшинд байгааг илтгэн харуулж байна.

Уралдаан ирүүлсэн бүтээлүүд нь хүмүүсийн талархлыг богино хугацаанд  хүлээж зарим бүтээлүүд нь 1000 гаруй хүний дэмжлэгийг аваад байгаа юм.

Уралдааныг зохион байгуулагчид оролцогчдын бүтээлч сэтгэлгээ, уралдааны агуулгад нийцсэн байдал болон Фэйсбүүк хэрэглэгчдийн үнэлгээг харгалзан үзэж энэ сарын 15-ний өдөр Шилдгийн шилдэг нэг оролцогчийг iPhone 4S загварын гар утсаар шагнах юм. Танд ч гэсэн оролцох боломж байгааг дуулгая.