3,415.19
МҮБХ-ноос зохион байгуулдаг “Нутгаа дуурсгана” барилдаан ид сонирхолтой, өрсөлдөөнтэй үе дээрээ үргэлжилж байгаа. Долоо хоног бүрийн амралтын өдөр болж буй шигшээ барилдааны өнгөрсөн ням гаригийнхыг үзсэн зарим үзэгчид “нутгаа дуурсгахгүй” байгаа хэсэг бөхчүүдээ мэл гайхаж хоцорчээ. Үүний нэг жишээ нь улсын арслан Г.Эрхэмбаяр.Тэргүүн дэвжээ шалгаруулах барилдаанд түрүүлэх хамгийн өндөр магадлалтай яваа Сэлэнгэ аймгийн “Таванхан” дэвжээнийхэн шигшээ барилдааны эхний тойрогт Хөвсгөлийн багийг илт давуу ялсан тул бүтэн сайны өдөр “Увс нуур”-ыг ялбал бараг түрүүлэх нь тодорхой болчих хэмжээнд яригдаж байлаа. Гэтэл энэ өдрийн барилдаанд Сэлэнгэ аймгийн шинэхэн арслан Г.Эрхэмбаяр ирээгүй нь нутгийн хөгжөөн дэмжигчдээ гомдоож орхижээ. Энэ тойрогт “Таван хан”, “Увс нуур” дэвжээд 18:18 даваагаар тэнцсэн болохоор дараа дараагийн барилдаанаас нэлээд зүйл шалтгаалах бололтой.
"Нутгаа дуурсгана" шигшээ барилдааны явцын дүнг танилцуулъя.
1.Увс аймгийн “Увс нуур” дэвжээ 7 оноо
5-05-нд “Бөхбилэгт”-ийг 26 : 10-р ялж, 3 оноо
5-06-нд “Таванхан”-тай 18 : 18-р тэнцэж, 1 оноо
2. Сэлэнгэ аймгийн “Таванхан” дэвжээ 7 оноо
5-05-нд “Хөвсгөлийн хүчтэн”- 7 : 29-р ялж, 3 оноо
5-06-нд “Увс нуур”-тай 18 :18 -аар тэнцэж, 1 оноо
3.Хөвсгөл аймгийн “Хөвсгөлийн хүчтэн” дэвжээ 3 оноо
5-05-нд “Таван хан”-д 7 : 29-р ялагдаж, 0 оноо
5-06-нд “Их Монголын хүчтэн”-д 14:22-р ялагдаж, 0 оноо
4. Өвөрхангай аймгийн “Их Монголын хүчтэн” дэвжээ 4 оноо
5-05-нд “Хантайшир”-тай 18 : 18-р тэнцэж, 1 оноо
5-06-нд “Хөвсгөлийн хүчтэн”-г 22 : 14-р ялж, 3 оноо
5.Архангай аймгийн “Бөхбилэгт” дэвжээ – 3 оноо
5-05-нд “Увс нуур”-т 10:26-р ялагдаж, 0 оноо
5-06-нд “Хантайшир”-ыг 21:13-р ялж, 3 оноо
6.Говь-Алтай аймгийн “Хантайшир” дэвжээ 1 оноо
5-05-нд “Их Монголын хүчтэн”-тэй 18 : 18-р тэнцэж 1 оноо
5-06-нд “Бөх билэгт”-д 13:21-р ялагдаж, 0 оноо
7-9-р байрын төлөөх барилдаан:
1. Төв аймгийн “Дүнжингарав” дэвжээ 3 оноо
5-05-нд “Ховд”-ыг 9:27- р ялж, 3 оноо
5-06-нд Өнжсөн
2. Дундговь аймгийн “Түшээт ханы аварга” дэвжээ 3 оноо
5-05-нд Өнжсөн.
5-06-нд “Ховд”-ыг 13 : 23-р ялж, 3 оноо
3.Ховд аймгийн “Ховд” дэвжээ 0 оноо
5-05-нд “Дүнжингарав”-т 9:27-р ялагдаж, 0 оноо
5-06-нд “Түшээт ханы аварга”-д 13:23-р ялагдаж, 0 оноо
