ЦЕГ-ын тэргүүн дэд дарга асан, бригадын генерал А.Дулаанжаргалыг БНСУ-д суугаа Элчин сайдын яамны Консулын газрын даргаар томилсон байна. Уг албыг хашиж байсан хүний томилолтын хугацаа дуусгавар болжээ. Генерал А.Дулаанжаргал нь өмнө нь Монгол Улсаас ОХУ-д суугаа элчин сайдын яамны Дэд консулаар 2001-2004 онд ажиллаж байсан туршлагатай аж. Тэрээр энэ сарын сүүлчээр БНСУ-ыг зорих юм байна.