Авлигатай тэмцэх газраас МАХН-ын дарга Н.Энхбаярт холбогдох хэргийг шалгаж дуусаад өнөөдөр нийслэлийн Прокурорын газарт шилжүүлжээ. Төв аймгийн урьдчилан хорих төвд цагдан саатуулагдаж байгаа МАХН-ын даргад АТГ-аас өнгөрсөн долоо хоногт хавтаст хэрэгтэйгээ танилцахыг уламжилсан ч Н.Энхбаяр энэ үед эсэргүүцэл үзүүлж, өлсгөлөн зарлахаа мэдэгдсэн юм.

Түүнчлэн өнөөдөр өнгөрсөн баасан гариг /V.04/-аас эхлэн өлсгөлөн зарлаад буй экс Ерөнхийлөгчийг цагдан хорих ажиллагааны талаар Сүхбаатар дүүргийн шүүх 16.00 цагийн үед хэлэлцээд “Үргэлжлүүлэн хорих” шийдвэр гаргасан байна. Ямартай ч АТГ хэргийг нийслэлийн Прокурорт шилжүүлснээр учиг зангилааг хэрхэх нь шүүх, прокурорын байгууллагын шийдэх асуудал болж байна.