Оросын “Премьер-Министр” хамтлагийн дуучин Б.Амархүү “Ай сайхан аав минь” дуугаа клипжүүлэн хүргэлээ. Гэхдээ энэ дуу түүний шинэ уран бүтээл биш. Өнгөрсөн жил “Мөрөөдлийн театр”-ын анхны уран бүтээл болон тайзнаа амилсан “Миний нууц хүү” жүжгийн дуу нэрээр Гавьяат жүжигчин, дуучин С.Жавхлантай дуулж, уг жүжгийн жүжигчдийн тоглосноор дүрсжүүлсэн хувилбар нь олонд хүрсэн юм.  Харин Б.Амархүү энэ удаад “Ай сайхан аав минь” дууг ганцаараа дуулжээ. Урлагийн гавьяат зүтгэлтэн Л.Балхжавын ая, Гавяьат жүжигчин, дуучин С.Жавхлангын үг “Ай сайхан аав минь” дууны клипэнд тэрбээр үе үеийн тайз дэлгэцийн сайхан аав нарыг мөнхөлжээ.