Өнгөрсөн баасан гаригт Microsoft-ын шинэ үйлдлийн системийн
хэрэглэгчдэд ирээдүйд тохиолдох нэгэн жигтэй хязгаарлалтын тухай нийтэд
ил боллоо. Өмнө нь Windows 8 стандарт хувилбар нь Media Center-гүй байх
болно гэж мэдээлж байсан бол сүүлдээ DVD дискнээс дүрс сэргээхгүй болох
нь тодорхой болжээ. Компьютер дээрээ DVD видео үзэхийн тулд нэг бол
Windows 8 Pro Pack/Windows 8 Media Center Pack худалдаж авах, нэг бол
хөндлөнгийн медиа тоглуулагч ашиглах болж байна.

Ийм шийдвэр
гаргаснаа Windows-ын мэргэжилтнүүд, сүүлийн үед DVD төхөөрөмжийн
хэрэглээ буурсан, хэрэв үйлдлийн систем оптик тээгч дээрээс кино
сэргээхийг дэмжих тохиолдолд компани лицензийн шимтгэл төлөх үрлэгэн
процедурыг гүйцэтгэх болно гэж тайлбарлаж байгаа юм. Иймээс
Microsoft-ынхан үйлдлийн системийн суурь хувилбарыг DVD видео сэргээхгүй
болгож, үнийг нь арай багасгаж байгаа юм байна.

Тэд мөн, Windows
8 хувилбараасаа үл шалтгаалан Windows Media Player-тэй байх бөгөөд
гэхдээ DVD дискийг дэмжихгүй гэж мэдээлж байна. Цаашид видеог
интернэтээр сэргээх нь бодит тээгчийг бүрэн халах учраас Microsoft
платформдоо дээрх үйлдэл алга болсонд санаа зовохгүй байгаа юм.