Багахангай дүүргийн Цагдаагийн тасгийн Замын цагдаагийн алба бага насны хүүхдийг хөдөлгөөний аюулгүй байдлын эсрэг гэмт хэрэг, зөрчлөөс урьдчилан сэргийлэх зорилгоор зохион явуулдаг “Ногоон гэрэл – Цагаан шугам” тэмцээн, “Би замын цагдаа” сэдэвт гар зургийн уралдааныг Хангай цогцолбор сургуультай хамтран зохион байгуулан явуулжээ. Уг тэмцээнд “Хангай цогцолбор” сургуулийн 3-5-р ангийн 8 бүлгийн 96 хүүхэд амжилттай оролцсоноос 1-р байранд Б.Энхсувд багштай 3а ангийн баг тамирчид 2-р байранд Б.Төрсайхан багштай  4б ангийн  баг тамирчид, 3-р байранд Ч.Янжинлхам багштай 4в ангийн баг тамирчид алт, мөнгө, хүрэл медаль, өргөмжлөл, мөнгөн шагналаар шагнуулсан бол “Би замын цагдаа” сэдэвт гар зургийн уралдаанд бага насны хүүхдүүдээс 70 бүтээл ирснээс 1-р байрт 2а ангийн сурагч Н.Эрдэнэбаатар, 2-р байрт 4а ангийн сурагч Н.Сарантуяа, 3-р байранд  2а ангийн сурагч Д.Хүслэн нар эзэлж  өргөмжлөл мөнгөн шагналаар шагуулсан байна.