Дуучин Г.Тэнүүн өнгөрсөн сард анхын цомгоо өлгийдөн авч уран бүтээлийг нь удтал хүлээсэн фенүүдээ баярлуулсан. Тэрбээр “Picnic” нэртэй анхны цомгийнхоо талаар “Г.Тэнүүний ертөнц. Бүх дуу нэг, нэг өнгийг илэрхийлсэн. Тиймээс нүүр хуудсыг дуу бүрийнхээ өнгөөр хийсэн. Миний ертөнцөөр зугаалаад гар гэсэн утгатай цомог” хэмээн тайлбарласан юм. Амьд тоглолт хийн цомгийн баяраа тэмдэглэсэн тэрбээр энэ удаад " Хайрын сонат " энэ дууг нь асууж, сурсан хүмүүстээ зориулж, бичлэгээ YouTube -д оруулжээ.

Quiza-тай хамтран дуулсан “Хайрын сонат” дуу бол “Франц үнсэлт” киноны анх ажлынх нь нэр нь байсан гэнэ. Кинотой бас маш гоё холбогдсон ч яг киноны дуу болоогүй гэнэ. Гэхдээ Quiza уг дууг “Франц үнсэлт” киноны нэг хэсэгт нь ашигласан гэнэ. Гэхдээ энэ дууг гадуур нэг ч цацаагүй, харин киног үзсэн үзэгчид “Хайрын сонат”-ыг сонсмоор байна гэсэн хүсэлтийг маш их ирүүлсэн учраас ийнхүү Тэнүүн анхны цомогтоо оруулжээ.