УИХ-ын чуулганы нэгдсэн хуралдаан 15.00 цагт зарлагдсан ч танхимд гишүүд цуглаагүй байна. Тиймээс чуулганы хуралдааныг даргалах УИХ-ын дэд дарга Г.Батхүү гишүүдийг яаралтай чуулганы танхимд хүрэлцэн ирэхийг анхаарууллаа. Мөн чуулганаар Засгийн газартай холбогдох асуудлыг хэлэлцэх тул сайд нарыг ирц өндөртэй хуралдаанд оролцох шаардлага байгааг мөн санууллаа.

Чуулганаар Боловсролын тухай хуульд нэмэлт, өөрчлөлт оруулах тухай багц хуулийн төсөл, Усны нөөцийг бохирдлоос хамгаалах, усны бохирдлын хяналтын тухай хуулийн төсөл, Донорын тухай хуульд нэмэлт, өөрчлөлт оруулах тухай хуулийн төсөл, Монгол Улсын иргэнд газар өмчлүүлэх тухай хуульд өөрчлөлт оруулах тухай багц төслийн хэлэлцэх эсэхийг шийдвэрлэх юм байна. Мөн Байгаль орчныг хамгаалах тухай хуульд нэмэлт, өөрчлөлт оруулах тухай багц хуулийн төслийн анхны хэлэлцүүлгийг хийх юм.