Улсын Дээд шүүх Иргэний Хөдөлгөөний Намын дүрмийн өөрчлөлтийг улсын бүртгэлд бүртгүүлэх тухай тус намын хүсэлтийг өнөөдөр хянан хэлэлцжээ. Иргэний Хөдөлгөөний Намын 2012 оны 4 дүгээр сарын 1-ний өдөр хуралдсан V бага чуулганаас намын даргыг шинээр сонгож, мөн намынхаа үндсэн дүрмийн 2, 3, 4 дүгээр бүлгүүдийн нийтдээ 30 гаруй зүйл, заалтад нэмэлт, өөрчлөлт оруулсан байна.

Улсын Дээд шүүх Иргэний Хөдөлгөөний Намын дүрэмдээ оруулсан эдгээр өөрчлөлтүүд нь хуульд нийцэж байна хэмээн үзэж улсын бүртгэлд бүртгэсэн байна.