Хошин урлагийн “Өнгөт инээд” продакшн нэрээ өөрчлөн “Шилдэг өнгө” нэрээр үзэгчидтэй мэндчилэх болсон билээ.

Тэд оюутан сурагчдын хонхны баярт зориулан  “Амьдрал өөрөө хичээл” нэртэй адал явдалт, уянгын жүжгээр бэлэг барин нийслэлчүүдэд хүргэсэн. Өчигдөр МҮЭСТО-нд хаалтаа хийсэн эл жүжиг Дархан, Эрдэнэт гээд орон нутгийн залууст хүрэх гэнэ.

Уг жүжгийн зохиолыг “Шилдэг өнгө” продакшны захирал Ц.Хүсэлбаатар бичиж, найруулагчаар Соёлын тэргүүний ажилтан жүжигчин О.Бат-Өлзий ажиллаж, жүжигчин С,Өлзийхүү маркетингийн ажлыг хариуцан ажилласан.

Жүжгийн гол дүрүүдэд СУИС-ийг энэ жил жүжигчний мэргэжлээр төгсч буй залуу уран бүтээлчид голлон ажилласан бөгөөд жүжигчин Д.Бямбацогт, Б.Навчаа, Г.Золбоот нар оролцон тоглосон юм.