Монгол улсын “Алтанбулаг” эдийн засгийн чөлөөт бүсэд оросын ажил хэргийн төвийг барьж байгуулах нь Орос-Монголын технологийн хамтын ажиллагааг идэвхжүүлэхэд ихээхэн чухал  холбогдолтой гэнэ. Улаанбаатар хотод 20 дахь удаагаа зохион явагдсан ”Азийн хаалга” үзэсгэлэнд оролцсон оросын компаниудын төлөөлөгчид ийм төв байгуулах нь маш зүйтэй хэмээн үзэж байгаагаа илэрхийлсэн байна. ОХУ-ын “Энергоремонт” компани хэдэн арван жилийн турш монголын дулааны цахилгаан станцуудын тогоонд засвар үйлчилгээ хийж ирсэн бөгөөд тус улсын эрчим хүчний бусад объектуудад үйлчилгээ үзүүлж ирсэн байна.

«Манай оронтой  технологийн чиглэлээр хамтран ажиллахад хамгийн гол нь гаалийн өндөр татвар саад болж байгаа бөгөөд  Орос улсын хилийн дэргэдэх “Алтанбулаг” эдийн засгийн чөлөөт бүсэд оросын ажил хэргийн төвийг ашиглалтанд оруулвал мэдэгдэхүйц өөрчлөлтүүд гарч Оросын хосгүй технологиуд  Монголын зах дээр чөлөөтэй итгэлтэй гарах бүрэн боломжтой болно  хэмээн Монголын зах зээлд нилээд амжилттай олон жил ажиллаж байгаа “Аккумуляторын технологиуд” компаний орлогч захирал Иван Колесник онцолжээ. Өнөөдөр “Алтанбулаг” эдийн засгийн чөлөөт бүсэд Хятад улсын гурван төлөөлөгчийн газар нээгдээд ажиллаж байна. Тэгвэл Оросын хоёр компаний төлөөлөгчийн газар одоогоор ажиллаж байна. Мэргэжилтэнүүдийн үзэж байгаагаар,  оросын ажил хэрэгч төвийг байгуулахад ердөө нэг сая ам, доллар  шаардагдах гэнэ. Гэхдээ энэхүү ажил хэрэгч төвийг хэрэгжүүлвэл богино  хугацаанд  зардлаа  нөхөж олох боломжтой гэж тэд үзэж байгаа юм байна.