Түүхт ­далан жилийн ойгоо угтаж аймгийн Засаг даргын тамгын газраас “Сүхбаатар-70 жил” сэдэвт  уралдааныг нийт сум, байгууллага, аж ахуйн нэгж, айл өрхүүдийн дунд дөрвөн сарын хугацаатай зарлажээ.

Төв суурин газрын өнгө, үзэмж, орчны гэрэлтүүлэг, хаягжилт, хашаажилт, зүлэг, цэцэг, мод, бут, сөөг тарих, цэвэр эрүүл орчинд ажиллаж, амьдрах нөхцлийг сайжруулж, төрөлх аймгаа хөгжүүлэх, ногооруулах, тохижуулах их үйлсэд нутгийн төр захиргааны байгууллагууд болон аж ахуйн нэгж, албан байгууллага, айл өрх, иргэдийн бүтээлч санал, санаачилга, оролцоог идэвхжүүлэхэд энэхүү болзолт уралдааны зорилго  чиглэгдэж байна.

Уралдааныг зохион байгуулах, дүгнэн шалгаруулах үүрэг бүхий комиссыг 11 хүний бүрэлдэхүүнтэйгээр байгуулсан бөгөөд, сум, байгууллага, аж ахуй нэгж, айл өрхөөс хамгийн тэргүүний гурвыг болон тусгай байр шалгаруулахаар нийт шагналын санд 11,0 сая төгрөг  төлөвлөжээ.