Арнолд Шварценеггерийн хүү Патрик ахлах сургуулиа төгсч, их сургуульд элсэх гэж байгаа гэнэ. “Терминатор”-ын хүү 18 настай Патрик хамгийн сайн найзтайгаа сургуулийн төгсөлтийн баярт бэлтгэж буйгаар зургаа авахуулж, “Twitter”-тээ тавьжээ. Түүний сайн найз нь хөгжмийн могул Жимми Лавины бага охин гэнэ. Патрик Өмнөд Калифорнийн их сургуульд тэнцсэн аж. Бодибилдингийн тамирчин, жүжигчин, улс төрч асан Арнолд Шварценеггер 1986 онд АНУ-ын ерөнхийлөгч агсан Жонн Кеннедигийн зээ охин Мария Шрейвертэй гэрлэж байжээ. Гэвч Арнолд Шварценеггер нууц амраг нь байсан гэрийн үйлчлэгчийн хүүгийн эцэг гэдгээ хүлээн зөвшөөрсний дараа эхнэр нь гэрлэлтээ цуцлуулсан юм.