“Найрамдлын нийгэмлэгүүд”-ийн “Монголын эвлэл”-ийн 65 жилийн ойд зориулсан орос хэл соёлыг сурталчлах бүсийн наадмаас Хэнтий аймгийн Бор–Өндөр хотын багш, сурагчид ганзага дүүрэн шагналтай ирлээ.

Уг наадам Дундговь аймагт болж, Өмнөговь, Өвөрхангай, Говьсүмбэр, Төв, Хэнтий, Сүхбаатар аймгийн багш, сурагчдын дунд орос хэлний олимпиад, орос дуу шүлгийн уралдаан болжээ. Хэнтий аймгийг төлөөлж оролцсон Бор-Өндөр хотын багш, сурагчдаас 11-р ангийн сурагчдын олимдиадад “Бор-Өндөр” цогцолбор сургуулийн 11 А ангийн сурагч Баяраагийн Ганцэцэг тэргүүн байр эзэлж, ОХУ-ын их дээд сургуульд Оросын Засгийн газрын тэтгэлгээр үнэ төлбөргүй суралцах эрхээр шагнуулав.

Мөн н.Ганцэцэг охин С.Я.Маршакийн нэрэмжит орос шүлгийн уралдаанд ч тэргүүлжээ. Уг арга хэмжээг ОХУ-ын ЭСЯ, МУИС-ийн Гадаад хэл соёлын сургууль, Найрамдлын нийгэмлэгүүдийн Монголын эвлэл болон Оросын Соёл шинжлэх ухааны төв, Плехановын нэрэмжит Эдийн засгийн их сургууль хамтран зохион байгуулж, 2013 оны хэлний олимпиадыг Бор-Өндөр хотод зохион байгуулахаар болжээ.