Лукашенкогийн аялалын талаар сэтгүүлчид мэджээ | News.MN

Лукашенкогийн аялалын талаар сэтгүүлчид мэджээ

Хуучирсан мэдээ: 2010.05.07-нд нийтлэгдсэн

Лукашенкогийн аялалын талаар сэтгүүлчид мэджээ

Австрийн спортын сэтгүүлч Эрвин Рот Белорусийн ерөнхийлөгч Александр Лукашенкогийн 2002 онд Тирольд очсон айлчлалын талаар дэлгэрэнгүй тодотгол хийж чаджээ. Сэтгүүлчийн мэдээгээр түүний зардлыг Австрийн Үндэсний олимпийн хорооны нууц данснаас гаргажээ гэж Die Presse бичсэн байна.
Австрийн ҮОХ-ны дарга мөн Casinos Austria гэх сүлжээний эзэн Лео Вальнерын (Leo Wallner) урилгаар Лукашенко тэнд очсон юм. Белорусийн ерөнхийлөгч өөрөө улсынхаа ҮОХ-г 1997 оноос хойш толгойлж байна. Тэр айлчлалын талаар тухайн үед Австрийн АРА агентлаг мэдээлсэн байлаа. Die Presse-ийн мэдээгээр, Лукашенко Тирольд эхнэр, хүүхдийн хамт очжээ. Белорусийн ерөнхийлөгч ба түүний хүрээнийхэний айлчлалын зардал нь 200 мянган евро болсон ба түүнд янз бүрийн зугаа цэнглийн арга хэмжээний мөнгө багтсан байна. Австрийн дуучин  DJ Otzi-ийн концертыг үзсэн зардал ч мөн л тэнд тусгагджээ. Сэтгүүлчийн олж авсан мэдээлэлд тэдний буудлын болон уулын цанын баазын зардал байгаа гэнэ.
Лукашенког Австрийн ҮОХ-ны өөрт нь хамаарахгүй мөнгөнөөс айлчлуулсан ба тэнд Casinos Austria сүлжээ болон өөрийн сонирхолыг Белорусь гаргаж байсан ажил хэрэгч хүмүүс мөнгө хийж өгчээ. Вальнер өөрөө нууц данс гэх зүйлийг сонсоогүй Лукашенкогийн айлчлалыг хувь хүмүүс төлсөн гэж хэлсэн байна.
Нууц дансны талаар олж авсан мэдээллээ сэтгүүлч прокурорт шилжүүлэхээр шийдсэн гэнэ.

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж