Технологийн хөгжил цаг минутаар хэмжигдэж буй өнөө үед компаниуд хүний бүхий л хэрэгцээг цогцоор нь хангах бүтээгдэхүүн гаргахад анхаарлаа хандуулан ажиллаж байгаа.

Энэхүү ширүүн өрсөлдөөнд Apple компанийн шилдэг бүтээгдэхүүн iPad тэргүүлж, борлуулагдсан тоогоороо дээд амжилт тогтоож байгаа.

iPad-ын хэрэглэгчдэд зориулан загварын орднууд iPad-нд зориулсан цүнх болон бусад дагалдах хэрэгсэлүүдийг бүтээж, iPad-хамгаалах бас гоёх боломжийг олгож байгаа.

Үүний нэг Францын Chloe загварын ордон iPad-нд зориулсан цүнхний хавар зуны загваруудаа танилцуулжээ.

Гэгээлэг зуны өнгөтэй, дэгжин хийцтэй, доргилт гэмтлээс хамгаалах гадаргуутайн дээр мөрөндөө үүрэх оосор бас бусад хүмүүс зөвшөөрөлгүйгээр таны iPad-ыг хэрэглэхээс хамгаалсан бяцхан цоожийг нэмж өгчээ.

Эдгээр хавар зуны загварууд 300-500 ам.долларын үнэтэй байгаа аж.