“Нэгдмэл Орос” удахгүй өнчрөх нь. Владимир Путин ерөнхийлөгчийн тангараг өргөсний дараа намын даргынхаа тушаалаас татгалзах гэнэ. Мөн Борис Грызлов ба Минтимер Шаймиев нар огцорч намд ноцтой шинэжлэл хийгдэх ёстой. Владимир Путин дөрөвдүгээр сарын 24-нд намынхан ба Бүх Оросын фронтын гишүүдээ цуглуулан намын даргын ажлаа өгөхөөр шийдсэнээ дуулгажээ. “Ерөнхийлөгч нь намаас дээгүүр тавигдах уламжлал манайд тогтсон байгаа” гээд тэрээр өөрийн оронд намын даргаар Дмитрий Медведевийг томилох санал дэвнүүлжээ. Цугларсан олон түүний шийдвэрт гайхахгүй байсан юм. Тэд Путин яагаад өөрийг нь цуглуулсныг мэдэж байв. Энэ тухай өдөр сонин хэвлэлээр ч гарч байсан. Нэгдмэл Орос намын даргаас татгалзсанаар Путин өнгөрсөн оны есдүгээр сарын солионы үйлдлээ төгсгөв. Тэр нь Путиныг ерөнхийлөгч болгоод Медведев ерөнхий сайдын суудалд суух ёстой сэлгээ юм.

Медведев намын дарга болно гэдэг нь Засгийн газрын тэргүүн болж байна гэсэн үг. Харин Путин намын тушаалаас татгалзсанаар өөрөөсөө Нэгдмэл Оросыг холдууллаа. Тэрээр сонгуулийн кампаниараа намаас  зай барьж байсан. Үүний тод жишээ нь Бүх Оросын ардын фронд гэдэг нэгдлээс тэр штабаа байгуулсан явдал юм.

Дмитрий Медведев албан ёсоор “Нэгдмэл Орос нам”-ыг их хурлынх нь дараа толгойлох юм. Их хурал нь тавдугаар сарын 26-ны өдөр Москва хотноо болох ёстой. Нэгдмэд Орос намын дарга нь бараг хязгааргүй эрх мэдэлтэй. Тэрээр их хурлаас бусад намын гаргасан шийдвэрт хориг тавьж чадна. Мөн тэрээр намынхаа ямар ч гишүүний эрх мэдлийг буулгаж чадна. Одоо тус нам хоёр дээд байгууллагатай. Дээд зөвлөл нь дүрмийн дагуу намын хөгжлийн стратегийг бий болгоно. Ерөнхий зөвлөл нь намын өдөр тутмын амьдралыг удирддаг. НОН-ын Дээд зөвлөл нь зургаан хүнтэй. Үүнд: удирдагч Борис Грызлов, Татарстаны ерөнхийлөгч асан Минтимер Шаймиев ба Москва мужийн ирээдүйн захирагч Сергей Шойгу, нарын намыг зохион байгуулагчид багтдаг. Юрий Лужков огцрохоосоо өмнө намыг санаачлагчдын нэг байв. Хэрэв Дээд зөвлөлийг огцоруулбал Борис Грызлов  намын албаэ тушаалгүй болно. Гэхдээ тэрээр Алс Дорнодын корпорацийг толгойлох магадлалтай хүний нэг.