Эрүүл мэндийн сайдын 2012 оны 134 дүгээр тушаалыг хэрэгжүүлэх, хүн амын эрүүл мэндийн боловсролыг дээшлүүлэх, эрүүл мэндийн салбарт хийж буй үйл ажиллагааг ард иргэдэд мэдээлэх зорилгоор “Эрүүл мэндийн салбарын нээлттэй өдөрлөг”-ийг өнгөрсөн амралтын өдрөөр орон даяар зохион байгуулав. Нийслэл болон орон нутгийн төв талбайд зэрэг эхэлсэн уг өдөрлөгт 30 мянга гаруй иргэн оролцсон байна. Энэ үеэр иргэдийг эрүүл мэндийн үзлэгт хамруулахаас гадна эрүүл мэндийн салбарт хэрэглэж буй орчин үеийн технологиудыг танилцуулсан юм. Биеийн тамир, спортын газрын зүгээс үйл ажиллагаагаа  сурталчилж,

Ерөнхийлөгчийн 053 дугаар Зарлигийн нэг дэх заалт Бие бялдрын хөгжил, чийрэгжилтийн төвшин тогтоох сорил авах аргачлал, “Лондон-2012” зуны XXX олимпод эх орноо төлөөлөн оролцох үндэсний шигшээ баг тамирчдыг танилцуулахаас гадна  иргэдийн өндөр, жинг тодорхойлж, биеийн жингийн индекс гаргах аргачлалыг зааж, бүх нийтийн дунд гимнастик, хийн дасгал, явган аялал, мини сагсан бөмбөг, дугуй, дугуйт тэшүүр, дартсны тэмцээнийг зохион байгуулж идэвхтэй хөдөлгөөнийг сурталчилсан юм. Мөн Биеийн тамир, чийрэгжүүлэлтийн арга хэмжээнд идэвхтэй оролцсон байгууллага, иргэдэд БТСГ-ын батламж олгосон байна.