Олон улсын улаан загалмайн өдрийг дэлхий нийтээр жил бүрийн тавдугаар сарын 8-нд тэмдэглэдэг. Манай улс энэ өдрийг хоёр дахь жилдээ Хүмүүнлэгийн өдөр болгон болгон тэмдэглэх гэж байна. Энэхүү өдрийг тохиолдуулан энэ сарын 4-ны 12.00-16.00 цагт Эрх чөлөөний талбайд өдөрлөг зохион байгуулах гэж байгаа ажээ. Өдөрлөгийн үеэр өсвөрийн улаан загалмайн гишүүн элсүүлэх ёслол, анхны тусламжийн нөхөрлөлүүдийн танилцуулга, жагсаалын бэлэн байдлын үзлэг, гамшиг ослын үед анхны тусламж үзүүлэх зөвлөмж, газар хөдлөлтөөс урьдчилан сэргийлэх үзүүлэх тоглолт, зорилтот бүлгийн 25 өрхөд гэр гардуулах зэрэг  арга хэмжээ болох аж.

Мөн жил бүр уламжлал болгон шалгаруулдаг “Хүмүүнлэгийн бахархал-Нигүүлсэнгүй үйлстэн”-үүд тодорсон бөгөөд шагналыг маргааш МУЗН-ийн төв байранд  гардуулан өгөх юм байна.