“Гранд” сэтгүүлийн 20 дахь дугаар уламжлал ёсоороо сонин содон, чих соотойлгосон мэдээ мэдээлэл, шинэ танил, сонирхолтой фото зургаар дүүрэн худалдаанд гарлаа. “Гранд”-ын дугаар бүр нэг халуун сенсааци дэлгэдэг. Энэ удаад “Харанга”-ын Чукагийн халуун хайрын эзэн, хүүг нь төрүүлсэн хөгжимчин бүсгүйг тус сэтгүүл анх удаа олонд таниуллаа. Арав гаруй жилийн өмнөөс үүссэн тэдний харилцаа урлагийн хүрээндээ аргагүй амрагийн түүх гэгддэг бөгөөд энэ удаа хөгжмийн зохиолч, ноён Ц.Чулуунбат хүүгийнхээ ээжид 2 өрөө байр бэлэглэсэн тухай энд өгүүлжээ. 

Түүнчлэн, “Буян” Жагаа тэрбумын байр авч, ууган гэргийгээ өрх тусгаарлуулсан тухай, экс ерөнхийлөгч Н.Багабандийн голомт залгах хүү хайр дурлалын улмаас амиа хорлох дээрээ тулж байж аавыгаа буулгаж авсан тухай, дээдсийн төмөр хүлгийн шинэ трэнд, анхны уулзалтаараа 60 саяыг цуглуулсан Харли Дэвидсоны клуб, халуун үйл явдал экс ерөнхийлөгч Н.Энхбаярыг тойрсон сонин хачин, Монголын алтан үеийн авьяаслаг хөгжмийн зохиолч Ц.Чинзориг агсаныг өөд болоход эхийнхээ хэвлийд үлдсэн хөөрхөн ихэр охид, Холливуд болоод Монголын алдартай ээж охид, косметик мэс засалд 2 дахиа орсон одод, долларын тэрбумтан болох замаа зассан ховсчин эрийн сүйхээ гээд маш олон сонирхолтой, шинэ содон мэдээлэл “Гранд”-ын 20 дахь дугаараас уншиж болох нь ээ.

Тэр бүр хэвлэлд ам нээдэггүй, ховор, үнэ цэнэтэй эрхмүүд гэж байдаг. Чухам тийм хоёр эрхэм ярилцлагын хойморт уригдсан нь ЭБЭХ-ний дэд сайд, “Монполимет”-ийн гэгддэг Ц.Гарамжав хатагтай, Ш.Отгонбилэг агсаны голомт залгах хүү О.Содбилэг нарыг “Гранд”-ынхан хоймортоо урьж дотно сэдвээр ярилцжээ.

Уншигчдын тэсэн ядан хүлээдэг “Гранд сонгодог” буланд суут зараач Манэгийн зүлгэн дундах эрчүүд дунд ганцааранг нь нүцгэлж орхисон бүсгүйн намтар түүх, “Гранд лэди” буландаа өдгөө төр барьсны 60 жил буюу очир алмазан ой нь тохиож буй энэ цагийн Эрхэмсэг дээд хатан хаан II Элизабетын олны мэддэггүй намтар түүх,амьдралыг онцлон дээжлэн эрхэм уншигч таны оюуны мэлмийд барьж байнаа. Мөн “Гранд”-ын хилийн чанад дахь уншигчдад зориулан гаргасан бие даасан фото мэдээллийн сайт www.grandnews.mn 7 хоног бүр уншигчдынхаа мэргэн сонголтын дор рейтинг тодорхойлдог уламжлалтай. Энэ удаад гал улаан даашинзны эзэд болон хамгийн дур булаам улс төрч эрчүүдийн жагсаалтыг нийтлүүлсэн нь таны сонирхлыг татах нь лав.