Цэцэрлэгийн насны хүүхдүүдийн дунд уламжлал болон зохион байгуулагддаг “Замын хөдөлгөөний цагаан толгой” тэмцээн маргааш  Сүхбаатар дүүргээс эхлэхээр болжээ. Сүхбаатар дүүргийн 23 цэцэрлэгийн 250 гаруй хүүхэд багачууд эцэг эх, багш, найз нартаа замын хөдөлгөөний мэдлэгээ шалгуулан өрсөлдөх юм байна. Харин Баянгол дүүрэгт энэ сарын 03-нд үргэлжлэн явагдах юм байна. Мөн зургаан дүүргээс шалгарсан багууд энэ сарын 11-нд Нийслэлийн хэмжээнд шилдгүүдээ тодруулах аж

Тэмцээнд цэцэрлэгийн насны хүүхдүүд өөрийн насны онцлогт тохирсон замын хөдөлгөөний дүрмийн мэдлэгтэй болох ба цаашлаад ирээдүйн сайн жолооч, дүрмээ мэддэг биелүүлдэг замын хөдөлгөөнд оролцогч болж төлөвших үр дүнтэй аж. Уг тэмцээнд дөрвөөс зургаан насны 12 хүүхэдтэй баг оролцох бөгөөд гэрийн даалгавар, мэндчилгээ, багийн ахлагчийн тэмцээн болон урлагийн тоглолт, буухиа тэмцээн зэрэг төрлөөр зохиогдох юм байна.