ОХУ-ын Өвөр байгалийн хязгаар Дорнод аймгийн Засаг даргын Тамгын газрын хамтын ажиллагааны хүрээнд хоёр улсын бүс нутагт албан болон, хувийн ажлаар зорчигчдын тоо жилээс жилд нэмэгдэж байна. Энэ хэрээр ОХУ-ын хилийг нэвтрэхдээ хоёр улсын гэрээ хэлэлцээрийн дүрэм, журмыг зөрчих тохиолдол олширчээ.

Монгол улсын иргэд албан ажлаар тус улсыг зорихдоо Аймгийн ЗДТГ-аар дамжуулан Өвөр байгалийн хязгаарын Гадаад харилцааны яаманд мэдэгдэл хүргүүлж хил нэвтрэх ёстой юм. Гэвч иргэд өөрсдийн хариуцлагагүй, хэнэггүй байдлаас болж цагийг нь тулгаж хил нэвтрэх гэж буйгаа мэдэгддэг зэргээс шалтгаалан ОХУ-ын хилээр нэвтрүүлэхгүй байх тохиолдол нэлээдгүй гарч байгааг  тус улсын холбогдох газраас сануулан мэдэгдэл ирүүлсэн байна.