Мобиком Корпораци хэрэглэгчдийнхээ хүсэлт, хэрэгцээ шаардлагад нийцүүлэн дараа төлбөрт үйлчилгээний Мобизон багцын үндсэн нөхцөлөө шинэчлэн сайжруулж, ажил хэрэгч та бүхний сэтгэлд нийцэх таатай боломжуудыг санал болгож байна.

Шинэчлэл эхэллээ: Zone Unlimited

Монгол Улсын 21 аймаг, 350 сум, сууринд Монгол орны хээр тал, говь хангай, өргөн уудам газар нутгийн 94,3%-ийг хамарсан, хамгийн өргөн сүлжээнд тархан суугаа нийт хэрэглэгчдийнхээ сүлжээний хамрах хүрээ, ярианы чанар, хүчин чадлыг 20 аймгийн хэмжээнд шинэчлэн сайжруулж, Мобикомын 1,3 сая хэрэглэгчийн сүлжээнд хязгааргүй ярих Zone Unlimited багцыг зах зээлд албан ёсоор нэвтрүүллээ.

Шинэчлэл 1:  Үлдэгдэл минутаа дараа сард ашиглана

Zone Unlimited шинэ багц нь Мобикомын сүлжээнд хязгааргүй, бусад сүлжээнд 500 минут ярих бөгөөд тухайн сард ашиглаж амжаагүй бусад сүлжээнд ярих ярианы үлдэгдэл дараа сарын багцад шилжсэнээр та дараа сард Мобикомын сүлжээнд хязгааргүй, бусад сүлжээнд 500+Х минут ярих боломжтой. Zone Unlimited багцын сарын суурь хураамж 35,000₮

Шинэчлэл 2: Илүү их ярих zone700

Zone700 багцын хэрэглэгчид өмнө нь сүлжээ харгалзахгүй 700 минут ярьдаг байсан бол сард төлдөг хуучин төлбөрөөрөө Мобикомын 1,3 сая хэрэглэгчийн сүлжээнд хязгааргүй, бусад сүлжээнд 500 минут ярих эрхтэй боллоо. Таны бусад сүлжээнд хийх 500 минутын ярианы үлдэгдэл Zone Unlimited багцын нэгэн адил ирэх сарын хэрэглээ рүү шилжих болно.

Шинэчлэл 3: Zone400, Zone160

Та Zone400, Zone160 багцын хэрэглэгч бол тухайн сард бүрэн ашиглаж амжаагүй багцын суурь хураамжинд дагалдах сүлжээ харгалзахгүй ярих эрхийн үлдэгдэл дараа сарын 400 болон 160 минут дээр нэмж тооцогдоно.

Шинэчлэл 4: Төлбөрийн мэдээлэл

Дараа төлбөрт үйлчилгээний нөхцөлүүд шинэчлэгдсэнтэй холбогдуулан 510 тусгай дугаарт хүсэлт илгээсэн хэрэглэгчид төлбөрийн мэдээллээ төгрөг болон минутаар тооцсон дүнгээр илүү ойлгомжтой байдлаар авах болно.

Мобизон шинэчлэгдсээр…