Булган аймгийн Хутаг-Өндөр суманд аймгийн Хүүхдийн төлөө хэлтсийн нэрэмжит “Мини волейбол”-ийн тэмцээн зохион явуулжээ. Тус тэмцээнийг “Хонгор агро-Булган” компани ивээн тэтгэжээ. Өсвөр үеийнхний дунд волейболын спортыг дэлгэрүүлэн хөгжүүлэх, авьяаслаг шинэ залуу ирээдүйтэй тамирчид төрүүлэх, волейболчдын залуу халааг бэлтгэх, шилдэг тамирчин, багш дасгалжуулагчдыг шалгаруулж, сурталчлах зорилготой энэ тэмцээнд төв хөдөөгийн сургуулиудын 120 гаруй хүүхэд оролцлоо.

Тэмцээнийг эмэгтэйчүүдийн Азийн аварга шалгаруулах тэмцээнийг шүүсэн туршлагатай шүүгчид, тухайлбал, Монголын волейболын холбооны улсын нэгдүгээр зэргийн шүүгч, Д.Агваандорж, Ж. Пүрэвбаяр нар шүүн шалгаруулжээ.

Тэмцээн ихээхэн өрсөлдөөнтэй өрнөсөн нь хүчтэй баг, тамирчдыг улам хурцалж тэдгээрээс илүүрхэн эрэгтэйчүүдээс Сэлэнгийн баг  түрүүлж, Хангал, Тэшигийн баг удаалсан бол эмэгтэйчүүдээс Хутаг-Өндөрийн баг аваргалж Бүрэгхангай, Сэлэнгийн багийнхан дараагийн байруудыг эзэлжээ.