Монголын дэлгэцийн олон ангит бүтээл нэгээр нэмэгдэх нь ээ. “Next Job" энтертайнментийн бүтээл "Би хайртай" 30 ангит инээдмийн кино ирэх тавдугаар сарын 1-нээс буюу маргаашнас эхлэн өдөр бүр 20.00 цагаас 25 дугаар суваг телевизээр үзэгчдийн хүртээл болох гэж байна.

Монголын нөлөө бүхий баян, үзэсгэлэнтэй, боловсролтой бүсгүй жирийн нэгэн бүтэлгүй залуутай учирч, хайр сэтгэлтэй болсноор үйл явдал өрнөх тус киноны гол дүрд "Маск" продакшны жүжигчин Ц.Ганзориг, А.Гэрэлцэцэг, загвар өмсөгч О.Билгүүн нар тогложээ. Уг киноны зохиолыг зохиолч Д.Мөнх-Од бичиж, Н.Төгсбат найруулсан байна.