Өсвөрийн ширээний теннисчний 2012 оны улсын аварга шалгаруулах тэмцээн дөрөвдүгээр сарын 26-29-ны хооронд Оч теннисний клубт боллоо. Тэмцээнд 21 байгууллагын 320 орчим өсвөрийн тамирчид оролцлоо. Тэмцээнд өнгөрсөн сард Германд болсон багийн ДАШТ-нд эх орноо төлөөлөн оролцсон с.м А.Анх-Эрдэнэ, с.д.м Д.Батдэлгэр (Хөвсгөл) нарын өсвөрийн шилдэг тамирчид оролцлоо.

Ганцаарчилсан төрлийн аваргаар охидын 14-с доош нас н.Цэндсүрэн /Хөтөл/, хөвгүүд н.Хүслэн /Хангарьд/, охидын 15-17 нас М.Дэлгэрмаа /Оч/, хөвгүүд Н.Чинзориг /Оч/ тэргүүллээ. 

Нийт 21 байгууллагаас Оч, Хөвсгөл, Орхон, Баянхонгор, Сэлэнгэ аймгийн багууд удааллаа. Дашрамд сонирхуулахад ирэх наймдугаар сард Японы Осака хотноо олон улсын хүүхдийн наадам болох аж. Тус наадамд монголоос охид, хөвгүүдийн тус бүр 6 тамирчин оролцох аж.

Тэмцээний талаархи дэлгэрэнгүйг ЭНД дарж үзнэ үү.