УИХ дахь Ардчилсан намын бүлэг ээлжит хуралдаанаа дөнгөж сая эхэллээ. Тус хуралдаан Төрийн ордны “Б” танхимд хаалттай болж байна. Бүлгээр энэ удаад дөрвөн асуудал хэлэлцэхээр төлөвлөөд буй юм. Тодруулбал, говийн болон алслагдсан бүсийнхэнд нэмэгдэл олгох тухай УИХ-ын тогтоолын төсөл, Авто замын тухай хуульд нэмэлт, өөрчлөлт оруулах тухай хуулийн төсөл, Монгол Улсын иргэнд газар өмчлүүлэх тухай хуульд өөрчлөлт оруулах тухай гэсэн багц хуулийн төслийг хэлэлцэнэ. Өнөөдөр тус намын Үндэсний зөвлөлдөх хорооны хуралдаан 14.00 цагт зарлагдаад байгаа. Тиймээс намын бүлэг хуралдаанаа шуурхайлах шаардлага бас тулгарч буй юм.