Английн нийслэл Лондон хотноо зуны XXX олимпийн наадам эхлэхэд 88 хоног үлдээд байна. Дэлхийн өнцөг булан бүрт олимпийн эрхийн төлөөх тэмцээн, уралдаан өрнөж буй энэ үед Монголын баг тамирчид албан ёсоор 18 эрх аваад Тодруулбал, хөнгөн атлетик, буудлага, байт харваа, бокс, чөлөөт бөх, усан спортын төрөлд тамирчид маань эрхээ аваад байгаа юм. Өнгөрөгч өдрүүдэд БНХАУ-ын Тайюань хотноо чөлөөт бөхийн сонгон шалгаруулах тэмцээн, харин Узбекистаны нийслэл Ташкент хотноо болсон жүдо бөхийн Азийн аварга шалгаруулах тэмцээн болсноор Лондонг зорих Монголын багийн бүрэлдэхүүн өргөжив.

“Лондон-2012” зуны олимпийн наадамд оролцохоор албан ёсоор эрхээ аваад буй тамирчдыг танилцуулбал, /эрх авсан дарааллаар/

1. Б.Сэр-Од /хөнгөн атлетик, марафон/
2. Л.Отгонбаяр /хөнгөн атлетик, марафон/
3. О.Гүндэгмаа /буудлага/
4. Ж.Гантөгс /байт харваа/
5. О.Насанбурмаа /чөлөөт бөх, 63 кг/
6. Ж.Чулуунбат /чөлөөт бөх, 120 кг/
7. П.Сэрдамба /бокс, 49 кг/
8. У.Мөнх-Эрдэнэ /бокс, 64 кг/
9. Б.Урантунгалаг /байт харваа/
10. Н.Баяраа /буудлага, урт буу/
11. А.Тамир /усан спорт/-цагаан хуудас
12. Г.Оюунгэрэл /усан спорт/-цагаан хуудас
13. Н.Төгсцогт /бокс, 52 кг/
14. Б.Түвшинбат /бокс, 69 кг/
15. П.Өнөрбат /чөлөөт бөх, 74 кг/
16. Д.Отгонцэцэг /чөлөөт бөх, 48 кг/
17. С.Бямбацэрэн /чөлөөт бөх, 55 кг/
18. О.Бурмаа /чөлөөт бөх, 72 кг/

Дээрх бүрэлдэхүүн дээр жүдогийн шигшээ багийн тамирчид нэгдэх учиртай. Олон улсын жүдо бөхийн холбоо /IJF/-ны дүрмийн дагуу дэлхийн чансаанд эрэгтэйчүүдийн долоон жинд эхний 22, харин эмэгтэйчүүдийн долоон жинд жингийнхээ ангилалд эхний 20-т эрэмбэлэгдсэн бөхчүүд олимпийн дэвжээнд зодоглох эрхтэй болно. Ингэхдээ нэг улсаас нэг л тамирчин эх орноо төлөөлөн Лондонг зорих билээ. Монголын жүдочдын тухайд 12 /давхардсан тоогоор/ тамирчин чансаагаар олимпийн эрх бүхий байрлалд бичигдээд байгаа. Тэдгээр тамирчдыг танилцуулбал:

Эрэгтэй:

60 кг: Д.Төмөрхүлэг, Ч.Болдбаатар, Г.Болдбаатар
66 кг: Х.Цагаанбаатар, С.Мияарагчаа
73 кг: С.Ням-Очир
-100 кг: Н.Түвшинбаяр, Б.Тэмүүлэн

Эмэгтэй:

48 кг: М.Уранцэцэг
52 кг: М.Бундмаа
63 кг: Ц.Мөнхзаяа
-78 кг: П.Лхамдэгд

Дээр нь эмэгтэйчүүдийн 70 кг-ын жинд ОУХМ Ц.Наранжаргал нар хэдий олимпийн эрх бүхий байрлалд багтаагүй огшиж, Лондонгийн татамид зодоглох боломжтой юм.

Лондонгийн олимп хүртэлх хугацаанд монголчууд чөлөөт бөх, байт харваа /багийн төрөлд/-ны төрөлд олимпийн эрхийн төлөө өрсөлдөнө. Чөлөөт бөхийн төрөлд эрх олгох сүүлийн тэмцээн Финляндын нийслэл Хельсинк хотноо тавдугаар сарын 4-6-нд болох бол байтынхан АНУ-ын Огден хотноо зургадугаар сарын 18-25-нд болох олимпийн эрх олгох багийн тэмцээнд оролцох юм. Хувийн харваанд хоёр тамирчнаа олимпийн талбарт сойх эрхтэй болсон байтынхан багийн төрөлд ч мөн эрэгтэй, эмэгтэй багаар оролцох зорилго тавин ажиллаж буй ажээ.

Дашрамд сануулахад, "Бээжин-2008" зуны олимпийн наадамд монголчууд 29-үүлээ явж, 28 тамирчин олимпийн талбарт хүч үзэж, алт, мөнгөн медалийг ихэрлүүлсэн билээ.