Сонгуулийн ерөнхий хорооны удирдлагууд маргааш Төрийн ордонд сэтгүүлчдэд мэдээлэл хийхээр болоод байна. УИХ-аас өнгөрсөн пүрэв, баасан гаригт УИХ-ын сонгуулийн товыг зарласны зэрэгцээ Нийслэлийн Иргэдийн Төлөөлөгчдийн хурлын сонгуулийн тухай хуулийн төслийг баталсан юм. Тодруулж хэлбэл, УИХ-ын сонгууль ирэх зургадугаар сарын 28-нд болж, Нийслэлийн ИТХ-ын төлөөлөгчийг сонгох сонгуулийг мөн энэ өдөр хамт явуулна. Нийслэлийн ИТХ-ын төлөөлөгчийг сонгох сонгуулиар 45 хүнийг улаанбаатарчууд сонгох юм. Ингэхдээ 30-ыг нь можаритор, 15-ыг нь пропарцианаль тогтолцоогоор тодруулах учиртай. Тиймээс нийслэлчүүдийн хувьд хоёр сонгууль зэрэгцэж болоход юу юуг анхаарах ёстой талаар дээрх хэвлэлийн бага хурлын үеэр Сонгуулийн ерөнхий хорооныхон дэлгэрэнгүй мэдээлэл хийх юм байна.