Оросын суут хөгжмийн зохиолч П.И.Чайковскийн “Нойрссон гүнж”-ийг маргааш буюу энэ сарын 29-нд Улсын дуурь, бүжгийн эрдмийн театр “сэрээх” гэж байна. Энэхүү балет нь П.И.Чайковскийн суут бүтээлүүдийн нэг юм. Гурван бүлэг дөрвөн үзэгдэл бүхий энэ бүжгэн жүжгийн цомнолыг И.Всеволожский, М.Петипа бичиж, М.Петипагийн хореографийг Т.Л.Соболева хувилан дэглэжээ. Тус балетыг харин монголчууд 1990 онд анх удаа тайзнаа тоглож байсан юм.