АНУ-ын Тусгай алба зарим ажилтнуудынхаа Эль Сальвадорт тайчигч, биеэ үнэлэгч нартай холбогдсон хэрэгт мөрдлөг явуулж байгаа гэнэ. АНУ-ын Ерөнхийлөгч Барак Обамаг Колумбад дээд хэмжээний уулзалтад оролцохоор очихын өмнө тусгай албаны ажилтнууд бие үнэлэгчидтэй холбогдсон хэргийн дуулиан шуугиан намдаагүй байгаа билээ.

Харин одоо ерөнхийлөгчийн хамгаалалтын албаны ажилтнууд 2011 онд Эль Сальвадорт тайчигчдын клубт тайчигч, биеэ үнэлэгч хүүхнүүдэд мөнгө төлсөн гэдэг хэрэг сөхөгдсөн байна. АНУ-ын Тусгай албаны даргын мэдэгдсэнээр мөрдөгчид одоогоор ямар нэгэн ноцтой зүйл олоогүй байгаа гэнэ.

Колумбын Картагена зочид буудалд биеэ үнэлэгч 20-оод бүсгүйтэй зугаацсан тусгай албаны ажилтнуудын найм нь ажлаасаа халагдсан юм. Колумбын нэгэн биеэ үнэлэгчтэй нэг шөнийн 800 ам.доллараар тохиролцсон ч 30 ам.доллар өгснөөс  болж бүх хэрэг мандсан аж.

Тусгай ажилтнаас хөлсөө авч чадаагүй биеэ үнэлэгч энэ мэдээллийг хэвлэлийнхэнд зарсан билээ.