Алс баруун Увс нутгийн нийт оюутан, залуус, ахмад үеийнхний анхаарлыг төрөлх нутгийнхаа хөгжил, дэвшилд хандуулж, шинэ санал  санаачилгыг  нэгтгэх, тулгамдаж буй асуудлыг өөрийн өнцгөөс харж, шийдвэрлэх гацыг олж, хэрэгжүүлэх зорилгоор “Увсын хөгжилд миний оролцоо” сэдэвт уран илтгэлийн тэмцээнийг тавдугаар сарын 5-нд зохион байгуулах гэнэ. Илтгэлийн  уралдааныг “Ex Professo” ТББ, “Хөгжлийн хэм” ТББ болон Аймгийн залуу багш нарын холбоо зохион байгуулж байгаа ажээ. Тэмцээнд 16-60 насны иргэд оролцох боломжтой бөгөөд соёл, урлагийн хөгжлийн асуудал, боловсрол, орчныг хөгжүүлэх асуудал, хувь хүний хөгжлийн асуудал, эрүүл мэнд, мэдээлэл технологи, малчдын хөгжлийн асуудал, Гадаад харилцаа, хамтын ажиллагааны хөгжлийн асуудал, аялал жуулчлал, газар тариалангийн салбарын хөгжлийн асуудал зэрэг сэдвээр  илтгэлээ тавьж болох юм байна. Уралдааныг хоёр үе шаттай зохион байгуулах бөгөөд нэгдүгээр шатнаас шалгарсан шилдэг 10 илтгэгч хоёрлугаар шатанд өрсөлдөх ажээ.