Тува улсын засгийн газар ОХУ-ын  бусад нутаг,  хилийн чанадад орших улсуудтай хамтран онцгой байдал, аялал жуулчлалын нэгдсэн үзэсгэлэнг зохион байгуулжээ.Уг үзэсгэлэнд ОХУ, Тува улсын муж хошуудын төлөөлөл, мөн Монгол улсаас Завхан , Увс, Ховд, Хөвсгөл аймгийн төр захиргааны төлөөлөл, аялал жуулчлалын үйл ажиллагаа эрхлэгч пүүс, компаниуд харилцан туршлага солилцон оролцсон байна.  Энэ үеэр ОХУ, Тува улсын засгийн газар хөрш зэргэлдээх улсуудын хооронд хил орчмын аялал жуулчлалыг хөгжүүлэх талаар нэгдсэн чуулга уулзалт, гэрээ хэлэлцээрийг хийн аялал жуулчлалын үзэсгэлэн яармагийг зохион байгуулсан  байна.  Үзэсгэлэнгийн хаалтын үеэр шилдэг оролцогчдыг шалгаруулсан бөгөөд ОХУ–ын Москва хотын аялал жуулчлалын компани тэргүүн байр эзэлж, Монгол улсаас Завхан аймаг мөнгөн медаль хүртэн, Тува улсын нэгэн хошуу гуравдугаар байрыг эзэлжээ.Мөн Тува улсын засгийн газар  манай Завхан аймагтай  аялал жуулчлалын чиглэлээр хамтран ажиллах гэрээ байгуулсан байна.