Өмгөөлөгч О.Баасанхүү Монгол ньюс мэдээллийн төвд 13.00 цагт Н.Энхбаярыг яллагдагчаар татан, хоёр сар үргэлжлүүлэн хорих болсонтой холбогдуулан мэдээлэл хийнэ.

МАХН-ын дарга Н.Энхбаярыг сэжигтэнээр татаж, цагдан хорих хугацаа өнөөдөр 07.00 цагт дуусгавар болох байсан. Гэвч АТГ-аас Нийслэлийн прокурорын газарт экс Ерөнхийлөгчийг яллагдагчаар татах хүсэлт тавьсан. Үүний дагуу өчигдөр Сүхбаатар дүүргийн шүүгчид  Сүхбаатар дүүргийн шүүхээс Н.Энхбаярын өмгөөлөгчдийг байлцуулж, хуралдан түүнийг хоёр сар хорих шийдвэр гаргасан юм.