Сонгинохайрхан дүүргийн Засаг дарга Ц.Болдод холбогдох хэрэгт Нийслэлийн прокурорын газраас яллах дүгнэлт үйлдэж, харьяалал тогтоолгохоор Нийслэлийн шүүхэд шилжүүлжээ. Нийслэлийн шүүхийн Эрүүгийн танхимын шүүгчид уг хүсэлттэй танилцаад Ц.Болдод холбогдох хэргийг Баянзүрх дүүргийн шүүхэд анхан шатны журмаар хэлэлцүүлэхээр шийдвэрлэсэн байна. 

Түүнийг ТҮК-ийн даргаар ажиллаж байхдаа төсвийн хөрөнгөнөөс завшсан хэрэгт буруутгаад байгаа. Тодруулбал цас хайлуулах бодисонд төсөвлөсөн хөрөнгөөс 300 сая гаруй төгрөгийг албан тушаалаа урвуулан ашиглаж хувьдаа завшсан хэрэгт буруутгаж Нийслэлийн прокурорын газраас яллах дүгнэлт үйлдсэн байна.