“X Factor” шоуны шүүгч Саймон Коул “Destiny’s Child” хамтлагийн гишүүн Келли Роуландыг шоуны шүүгчээр ажиллаж байсан Шерилийн оронд яг тохирох хүн гэж байсан үе саяхан билээ. Гэвч “ITV”-ийн шоу эхлэхээс ердөө хоёр долоо хоногийн өмнө Келли Роуландыг шоунд оруулахгүй гэсэн яриа гарч эхэлжээ.

Саймон Коул, “ITV”-ийн боссууд түүнийг поп гүнж Кэти Перри эсвэл өөр дуучнаар солих тухай ярьж байгаа гэнэ.

Саймон Коул Кэти Перриг шоунд шүүгчээр оролцуулах дуртай байгаа боловч дуучин бүсгүй шахуу цагийн хуваарь, тоглолтуудаас болж түүний саналыг хүлээж авч чадахгүй бизээ.

Гэвч Кэти Перриг шоунд зочин шүүгчээр ч хамаагүй оролцуулах тухай хүртэл ярьж байгаа гэнэ. “X Factor”-ын шүүх бүрэлдэхүүнээс Келли Роуландыг хасах магадлал 95 хувьтай байгаа аж.

“ITV”-ийн боссууд түүнийг үзэгчдийг байлдан дагуулж чаддагийг хүлээн зөвшөөрсөн ч өөрийнхөөрөө байж, уян хатан байж чаддаггүй гэж голсон гэнэ.