Монголын урчуудын эвлэлийн үзэсгэлэнгийн танхимд өнөөдөр 17.00 цагт барималч Н.Сүхбүрэн, зураач Х.Энхномин нарын «Дүр» уран бүтээлийн үзэсгэлэн нээлтээ хийнэ.

Хоёр уран бүтээлч амьдралын гол дүрийг өөр, өөрийн арга барилаар, шинэлэг арга ажиллагаа ашиглан, дүрслэн илэрхийлсэн байна. Н.Сүхбүрэн, Х.Энхномин нар Дүрслэх урлагийн дээд сургуулийн төгссөнөөс хойш 6-7 жил бие даан уран бүтээлээ туурвин, хамтарсан 2-3 үзэсгэлэн гаргаж, олны хүртээл болгосон бөгөөд дотоодын болон олон улсын үзэсгэлэн, уралдаануудад идэвхтэй, амжилттай оролцсоор ирсэн залуу уран бүтээлчид юм. Үзэсгэлэн ирэх тавдугаар сарын 3-ныг хүртэл үргэлжлэхийг сануулья.