Сагсан бөмбөгийн эрэгтэйчүүдийн 39 дэх удаагийн ЕАШТ 2015 онд Украин улсад болно. Тус улс өнгөрсөн оны арванхоёрдугаар сарын 18-нд Европын сагсан бөмбөгийн холбооны хурлаар тэмцээнийг зохион байгуулах эрхийг авсан билээ. Украины сагсан бөмбөгийн холбоо “Евро-2015”-ын зохион байгуулах хотыг тавдугаар сарын 31-нд албан ёсоор зарлах болсноо мэдэгдэв. Гурван жилийн дараах ЕАШТ-ийг зохион байгуулах эрхийн төлөө Харьков, Донецк, Одесса, Лвив, Днипропетровск, Киев хот нэрээ дэвшүүлээд байгаагаас гадна тус улсын Засгийн газраас дөрвөн сая гривен гаргахаар шийдвэрлэжээ.