Монгол Улсад хүн амын эрүүл мэндийг хамгаалах, хүүхэд залуучуудад бие бялдрын болон оюуны өв тэгш хүмүүжил олгох мөн  бүх нийтийн гүйлтийн спортыг хөгжүүлэхэд хувь нэмэр оруулах зорилгоор Дархан-Уул аймгийн Дархан хотноо “Өөрийгөө Ялах” бүх нийтийн гүйлтийн тэмцээнийг Шри Чинмойны баг, Дархан-Уул аймгийн ЗДТГ, аймгийн БТСХ-той хамтран зохион байгуулах гэж байна. Марафон гүйлтийн тэмцээнийг зохион явуулснаар Дархан-Уул аймагт төдийгүй эх ордоо гүйлт сонирхогчдын тоог нэмэгдүүлэх, дотоод нөөц боломжоо нээж, тэсвэр хатуужилтай болоход нь залуу өсвөр үеийнхэнийг урамшуулах зэрэг ач холбогдолтой юм.

Энэхүү “Өөрийгөө ялах” марафон гүйлтийн тэмцээн нь уламжлал болон долоо дахь жилдээ зохиогдож байгаа аж. Тэмцээн 2012 оны 4-дүгээр сарын 28-ны бямба гаригт өглөө 10.00 цагт Дархан Паркаас эхлэнэ. Гүйлтийг  4 км – 21 км-ын зайтай явагдах бөгөөд 4 км –ийн зайд гүйх тамирчид   15-17 , 18-49, 50-аас дээш гэсэн 3 насны ангилалаар эрэгтэй, эмэгтэй эхний 3 байрын нийт 18 тамирчин, 21 км буюу хагас марафонд оролцогчдыг 50-аас дээш,доош гэсэн 2 насны ангилалаар эрэгтэй, эмэгтэй эхний 3 байрын нийт 12 тамирчинг тус тус шалгаруулах юм.