NBA-гийн 16 удаагийн аварга “Лос-Анжелес Лейкерс”-ийн довтлогч Метта Уайлд Пис долоон тоглолтод оролцох эрхээ хасууллаа. Тэрбээр өнгөрсөн даваа гаригт “Оклахома Сити Тандер”-тай хийсэн тоглолтын үеэр эсрэг багийн довтлогч Жеймс Хардений толгой руу тохойлдож бүдүүлэг авирласныхаа төлөө ийм шийтгэл амсав. Ингэснээр Пис “Сакраменто Кингз”-ийн эсрэг хийх улирлын сүүлчийн тоглолтыг өнжихөөс гадна плей-оффын зургаан тоглолтод оролцох боломжгүй болж байна.